Оптина Пустынь на протяжении всей ее истории была одной из тех
немногочисленных обителей, которые поддерживали в русском народе должную высоту
веры, любовь ко Христу, к житию по Его заповедям. О. Василий никогда не забывал
об этом, и Господь сподобил его встать в ряд великих делателей дела Божьего.
Как понимал он это дело – видно из его тропарей преподобным Оптинским старцам,
а это, пожалуй, лучшие образцы его духовного творчества. Тропарей было
составлено одиннадцать. Вот они все:
1. (Глас 3). Яко скимен рыкая на сердце лукавое, / яко агнец незлобивый
взирая на душу кроткую (смиренную), преподобие отче Льве предивный, /
младенчество во Христе возлюбил еси глаголя: / пою Богу моему дондеже есмь, /
тем же моли милостиваго Господа / да подаст и нам область чадами Божиими быти /
и с тобою пети Богу нашему (младенцем во Христе предстоял еси / всем, утешения
от тебя чающим, / тем же моли Господа нашего / да подаст и нам область чадами
Божиими быти / и спасет души наша).
2. (Глас 3). Сердце исполненное благодати / в ризе смирения и кротости /
неизлиянно пронесл еси / чрез все твое иноческое житие, / преподобие отче
Макарие блаженне; / тако же жаждущих напоил еси, / скорбящих утешил еси, /
болезнующих исцелил еси. / Тем же испроси у Христа Бога росу благодати душам
нашим, мира и велия милости. (Тем же испроси у Христа Бога нашего и нам грешным
росу благодати во спасение душ наших).
3. (Глас 4). Потаенный (сокровенный) сердца человек явился еси / в красоте
неистленной кроткаго и молчаливаго духа, / преподобие отче Моисее, / стадо твое
добре упасл еси / на камени веры обитель созидая, / на немже и храм сердца
своего устрояя. / Тем же моли Христа Бога нашего / и нам жити в дому Господнем
/ и вся дни живота нашего зрети красоту Господню / и посещати храм святый Его /
во спасение душ наших.
4. (Глас 5). Неизследимы пути души твоей, / непостижимы тайны сердца твоего,
/ преподобие отче Нектарие, / но яко лучи пресветлыя словеса твоя, / тем же
Христа Бога моли / спасти и просветити души наша.
5. (Глас 4). Воине доблестный и изряднейший, / светом откровения яко Павел
озаренный, / вся в уметы Христа ради вменил еси, / иноческим подвигом
подвизался еси, / «течение скончах и веру соблюдох», / вне стана со Христом
смерть приял еси, / тем же зовем ти: / спасай нас молитвами твоими, /
преподобие Варсонофие, отче наш.
6. (Глас 2). Всем сердцем во Христе возлюбил еси / житие скитское и
послушание брату богомудрому; / странствуя же от них далече, / в терпении
стяжал еси душу твою. / Тем же упокой тя Бог в дому воздыханий твоих, / окрест
старца и брата возлюбленнаго, / преподобие отче Антоние, / не престай молитися
о нас, / чтущих святую память твою.
7. (Глас 6). Святителю собеседник достойный, / старцу смиренный послушниче,
/ благодати восприемниче и подателю, / освятил еси именем Христовым сердце
свое, / преподобие отче Анатолие, / зерцало Духа Всесвятаго, / моли Жизнодавца
Утешителя Христа / да помилует нас грешных / и спасет души наша.
8. (Глас 1). О, велия твоя купля, / преподобие отче Исаакие, / село
отеческое оставив, / покров Божией Матери приобрел еси / и игуменство с
кротостию и незлобием, / обитель Заступницы Усердной прославляя и украшая, /
под сенью Ея упокоился еси. / Тем же моли Владычицу нашу Богородицу / спасти от
смерти души наша.
9. (Глас 2). Отрасле святая лозы старческой, / простершаяся до севера и
моря, / плодами исповедничества украшенная / и венцем мучничества венчанная, /
преподобие отче Никоне, / слава Оптины к похвале, / упование наше и
утверждение, / не забуди убогих твоих, / призывающих имя твое святое.
10. (Глас 3). Яко голубь Ною утомленному, / тако ты, утешителю наш предивный
(пречудный), преподобие отче Анатолие, / спасения благовестниче, / миром души
окрыляющий, / темже молим тя и просим, / земли спасения достигнута /
сокрушенным сердцам нашим.
11. (Глас 2). Послужив старцу преусердно, / облистаем был еси сиянием его
славы / и преобразился еси телом и душею, / благообразие преподобие отче
Иосифе, / светильниче пресветлый, / темже чреду старчества унаследовал, /
таинник Божия благодати явился еси. / Моли Человеколюбца Христа и Заступницу
усердную / спастися душам нашим.
Эти одиннадцать тропарей – как единая молитва к преподобным старцам. «Собор
преподобных», как писал он в своих стихирах, предстательствует перед Господом о
возрождении Оптиной Пустыни. Старцам можно молиться и не по отдельности
каждому, а сразу всем. Так, вместе, они были прославлены; так же обрелись и их
святые мощи… Только преподобный Амвросий – первый, но и он неотделим от
старческого «собора», где все первые и все последние.
