Сегодня празднуется память преподобноисповедника Георгия (Лаврова) (1868-1932гг.) - архимандрита, настоятеля Мещовского монастыря с 1915 по 1918 годы.

Лавров Герасим Дмитриевич родился 28 февраля 1868 (1867?) года в Елецком узде Орловской губернии, в благочестивой, состоятельной крестьянской семье. Герасим закончил всего три класса школы. Однажды, когда ему было 12 лет, он с родителями приехал на Богомолье в Оптину Пустынь и подошёл под благословение к старцу Амвросию. Старец обнял его за голову, благословил и сказал, что ему следует оставаться здесь. Но только с 1898 года, после кончины отца, Герасим стал послушником Введенской Оптиной Пустыни, где в 1899 году был пострижен с именем Георгий, и в 1902 году рукоположен в иеромонаха. С 1915-го по 1918-й годы отец Георгий был настоятелем Георгиевского монастыря в городе Мещовске Калужской губернии.

После закрытия монастыря в декабре 1918 года батюшка был обвинён в "тайном заговоре" и "хранении оружия". Из Мещовской тюрьмы батюшку вместе с группой арестованных повезли в тюрьму Калуги, где их должны были расстрелять. Перед этим отцу Георгию было чудесное видение, после которого он утешил всех арестованных, сказав, что они останутся живы. И, действительно, их вагон почему-то прицепили к другому поезду, идущему в Москву. По прибытии в Москву арестованных поместили в Таганскую тюрьму Москвы. Пока производилось дознание, в 1919 году вышла амнистия, и расстрел был заменён пятью годами заключения.

В Таганской тюрьме он получил благословение на старчество от митрополита Кирилла (Смирнова). Из тюрьмы отец Георгий был взят "на поруки" будущим священномучеником Владыкой Феодором (Поздеевским), который предоставил ему возможность проживания и служения в возглавляемом им Свято-Даниловом монастыре.

В мае 1928 года батюшку арестовали во второй раз. Он был обвинён в том, что "играл роль старца в черносотенном монастыре, вёл антисоветскую пропаганду среди обслуживаемого контингента".

Батюшку приговорили к трём годам ссылки в посёлок Кара-Тюбе Уральской области (ныне Казахстан). Там он жил в тяжёлых условиях, но утешался совершением Литургии в своей хижинке. В ссылке батюшка заболел раком гортани.

После освобождения старец поселился в Нижнем Новгороде. С трудом удалось духовным чадам найти для него комнатку. 21 июня (4 июля н. ст.) 1932 года после причащения Святых Таин отец Георгий скончался и был погребён на местном Бугровском кладбище.

Причислен к лику святых Новомучеников и Исповедников Российских на Юбилейном Архиерейском Соборе Русской Православной Церкви в августе 2000 года для общецерковного почитания.В октябре 2000 года были обретены святые мощи старца, которые перевезли в Свято-Данилов монастырь в Москве.

Тропарь, глас 2:

Издетска монашескую жизнь возжелал еси, / преподобне отче Георгие, / в нейже любовь Христову стяжав, / пастырь добрый многим людем был еси, / последи же и изгнание претерпев, / венцем исповедничества украсился еси. / И ныне, предстоя престолу Святыя Троицы, непрестанно моли // спасти и просветити души наша.

Кондак, глас 4:

Евангельским словом вооружився, / всяку скорбь жития сего тленнаго и непостояннаго претерпел еси, / утешая чад твоих любовию, яже во Христе Иисусе, / преподобне Георгие, Даниловская похвало, // моли Христа Бога спасти нас, чтущих тя.

Молитва

О преславный угодниче Божий, преподобне отче Георгие, Даниловы обители похвало и украшение! Ты от юности своея монашеское житие возжелал еси, в немже подвизався, любовь Христову стяжал еси, и был еси пастырь добрый притекающим к тебе: последи же изгнания и многи скорби претерпев, Небесное Царство наследовал еси. И ныне призри на нас, чад твоих, молящихся тебе, и управи души наша ко спасению; обитель же нашу святую миром и благочестием укрепи, да чистым житием благоугодим Богу, Емуже всякая слава подобает, честь и поклонение, во веки. Аминь.

 

АКАФИСТ преподобноисповеднику Георгию 

 

      Избранный от Подвигоположника Господа Иисуса новый страстотерпче и молитвенниче пречудный, преподобне отче наш Георгие, обители Даниловой похвало и украшение, воспевающе честныя подвиги и еже за Христа страдания твоя, хвалебное пение приносим ти:
     Радуйся, преподобне Георгие, исповедниче Христов.

      Ангелоподобную доброту души твоея провидев, всей твари Создатель молитву твою чистую приемлет и таинственно от мощей Игумена земли Русския Сергия путь в Оптину пустынь тебе указует, аможе всею душею устремился еси, сего ради восхваляем тя сице:
     Радуйся, молитвою матере во иночество избранный.
     Радуйся, благодатию Божией призванный.
     Радуйся, от юности мира отрекийся.
     Радуйся, безплотным подобен явивыйся.
     Радуйся, цвете райскаго саждения.
     Радуйся, источниче сладкаго утешения.
     Радуйся, очищенный в горниле искушений.
     Радуйся, многия души приведый ко спасению.
     Радуйся, преподобне Георгие, исповедниче Христов.

      Видя тя настоятель отрока еще мала суща никакоже восхоте тя во обитель прияти, обаче молитвою преподобнаго Амвросия и настоянием матери умолен, премени изволение о тебе, да поеши со иноками Богу: Аллилуиа.

      Разум прозорлив стяжевая, прохождаше послушания иноческия да во всяком деле исправлен будеши, паче же смирению и послушанию научишися. Да и мы, видяще от силы в силу восхождение твое, бремя суетных попечений отвергнем и тебе вопием прилежно:
     Радуйся, язвы Господа на теле носивый.
     Радуйся, себе вбли Божией покоривый.
     Радуйся, покаянием очищенный.
     Радуйся, доброделанием освященный.
     Радуйся, равноангельное житие до конца возлюбивый
     Радуйся, Христа на милость преклонивый.
     Радуйся, честное Святаго Духа жилище
     Радуйся, Ангелов достойное увеселение.
     Радуйся, преподобне Георгие, исповедниче Христов.

      Сила Вышняго укрепляше тя, блаженне, егда усмотре тя Господь достойна чина Ангельскаго, ты же, пострижение от настоятеля, яко от Христа, прием, полагал еси на сердце глаголы жизни вечныя и к небеси мысленно устремлялся еси, идеже Ангели поют Богу: Аллилуиа.

      Имея Господь промышление о спасении всякой плоти, постави тя настоятелем в обители Мещовстей, яве тем показуя высокия добродетели твоя, да и о братии печешися и обитель благолепно устроиши и слышиши от нас таковая:
     Радуйся, обители устроителю добрый.
     Радуйся, душ попечителю бодрый.
     Радуйся, на всяком месте Богу трудивыйся.
     Радуйся, тем от страстей свободивыйся.
     Радуйся, пастырю, Богом поставленный.
     Радуйся, ныне от паствы прославленный.
     Радуйся, начальником светлый образе.
     Радуйся, послушником кроткое украшение.
     Радуйся, преподобне Георгие, исповедниче Христов.

      Бурею безбожных гонений вся Церковь Русская потрясеся, твое же попечение не токмо о братии, но и об окрестных людех бысть, егда таяся подавал еси ко двором мешцы с мукою, подвизая всех благодарне пети Богу: Аллилуия.

      Слышаще близлежащия веси, яко поругание обители Мещовстей бысть и самаго тя во узах суща и от навет злокозненных смерть прияти имуща, зело печаловахуся, обаче не остави тя Господь. Но посла ти во уверение о спасении прежде почивших матерь твою и купца, егоже в жизнь вечную напутствовал еси и семью от разорения избавил еси. Тем похвальная приносим ти:
     Радуйся, в слезном молении услышанный.
     Радуйся, милостивый, от Господа помилованный.
     Радуйся, видением чудесным о спасении уверенный.
     Радуйся, яко добрая дела твоя не суть забвенна пред Богом.
     Радуйся, молитвы сокровище неистощимое.
     Радуйся, любве богатство неисповедимое.
     Радуйся, яко тебе ради и соузников твоих пощаде Господь.
     Радуйся, яко тии последи чада духовныя тебе быша.
     Радуйся, преподобне Георгие, исповедниче Христов.

      Боготочнаго источника исцелений яви тя Господь в темнице, преподобне Георгие, егда хитрости врачебней обучился еси, темже сугубое избавление страждущим приношаше, душевныя раны купно с телесными врачуя, сего ради во узах сущии воспеваху: Аллилуиа.

      Видя тя Преосвященный Кирилл попечителя о душах изрядна, благослови на подвиг старчества, ты же изволение имел еси со страждущими в темнице до конца пребыти, да им послужиши. Мы же, произволению твоему дивящеся, вопием:
     Радуйся, источниче сострадания приснотекущий.
     Радуйся, преподателю Тайн Христовых непорочный.
     Радуйся, Божиего домостроительства соучастниче.
     Радуйся, славы Господни сопричастниче.
     Радуйся, твердое упование в бури неверий.
     Радуйся, скорое утешение во тьме озлоблений.
     Радуйся, нощь жития сего мудро проходивый.
     Радуйся, невечерний день Царствия Божия предвозвестивый.
     Радуйся, преподобне Георгие, исповедниче Христов.

      Проповедника тя благочестия и духовника изрядна видя Преосвященный Феодор поручаяся из темницы тя изволяет и в обители Даниловой особо устрояет, да тамо служение твое исполниши и поют вси московскии людие: Аллилуиа.

      Возсия во обители Даниловой, яко светильник многосветлый, преподобный Георгий во дни великих смут и неверия, обышедших страну нашу, путь спасения всем показуя и яко кокош под криле своя птенцы собирая, да научиши их Божия Богови воздавати и веру истинную блюсти несумненно, да и мы взываем ныне:
     Радуйся, на путь правый наставляй.
     Радуйся, Царство Небесное возвещаяй.
     Радуйся, наставниче смиренный.
     Радуйся, молитвенниче прикровенный.
     Радуйся, любве Христовой вместилище.
     Радуйся, в мере житейстем пристанище.
     Радуйся, радости райския провозвестниче.
     Радуйся, избавления неложный благовестниче.
     Радуйся, преподобне Георгие, исповедниче Христов.

      Хотя пастве твоей спастися и в разум совершенный приити, всем был еси кладезь премудрости и милосердия, да всех приобрящеши и ко Христу приведеши поющих: Аллилуиа.

      Новую воздвиг на тя напасть враг рода человеческаго, хотя разлучити тя от паствы твоея и до конца погубити, но ничтоже успе, не оставляху бо тя чада твоя на стране далече, паче же твой молитвенный покров познаваху, несть бо лишения любящим Господа, тем и мы с ними вопием:
     Радуйся, отче духовный, чада твоя не оставляй.
     Радуйся, молитвою нас всех заступаяй.
     Радуйся, терпением укрепивыйся.
     Радуйся, кротостию оградивыйся.
     Радуйся, любве евангельския учителю.
     Радуйся, целомудрия честнейший рачителю.
     Радуйся, яко чада твоя Господа взыскуют.
     Радуйся, яко Ангели о тебе торжествуют.
     Радуйся, преподобне Георгие, исповедниче Христов.

      Дивно и пречудно есть твое молитвенное служение на земли Казахской, непрестанно бо службы совершал еси и милость Ббжию на люди, ихже дал тебе есть Господь, привлекал еси, да поем вси Богу: Аллилуиа.

      Весь был еси Богу освящаяся и еже со Христом быти паче всех вожделевая, темже и лишения претерпевая, страха смертнаго чужд был еси и странен на земли, к Небесному Отечеству устремляшеся, темже приими от нас таковая:
     Радуйся, стяжавый благодать Святаго Духа.
     Радуйся, по всему Христу уподобивыйся.
     Радуйся, идеже главы подклонити не имевый.
     Радуйся, изгнание кротце претерпевый.
     Радуйся, Небесное Отечество возлюбивый.
     Радуйся, земное странствие добре совершивый.
     Радуйся, пришельца себе помышляй.
     Радуйся, в вечныя кровы душу устрояяй.
     Радуйся, преподобне Георгие, исповедниче Христов.

      Всякое человеческое мудрование умолкает, егда утешение Божественное находит, тако несть нам словеси рещи о свете Фаворстем, вся небеса в праздник Преображения осиявающем, токмо тебе и дщери твоей духовней явленном, поющим: Аллилуиа.

      Ветия многовещанныя аще и возмогли быша исчислити лишения твоя, обаче не разумеют долготерпения твоего, егда болезнь последняя найде на тя, тебе же все болезнование о чадех твоих бысть, иже купно с тобою страдаста. Тем тебе вопием:
     Радуйся, паче себе ближних возлюбивый.
     Радуйся, мученичеством безкровным себе украсивый.
     Радуйся, возстания телесныя поправый.
     Радуйся, Божественному безстрастию поревновавый.
     Радуйся, Царствие Божие внутрь себе восхитивый.
     Радуйся, правды ради душу твою положивый.
     Радуйся, правило веры и благочестия.
     Радуйся, радование Христова благовестия.
     Радуйся, преподобне Георгие, исповедниче Христов.

      Спасти хотящу душу твою, весь ти путь бысть от грехов разрешати и причащати, темже и сподоби тя Господь со Святою Чашею в руку скончатися, да познают маловернии, яко честна пред Господем смерть преподобных Его, и да зовут Ему: Аллилуиа.

      Стена необоримая чадом твоим и по смерти являешися овогда видением сонным, овогда пришествием видимым утешаеши, во еже не быти им в сем житии многоскорбнем сирыми и унылыми, зовущим тебе:
     Радуйся, обещавый услышати всех к тебе приходящих.
     Радуйся, даруяй исцеление болящим.
     Радуйся, скорби от сердец отымаяй.
     Радуйся, греховную печаль потребляяй.
     Радуйся, великое в бедах утешение.
     Радуйся, в немощех нетрудное поможение.
     Радуйся, в страстном борении воззвание.
     Радуйся, в нерадении скорое покаяние.
     Радуйся, преподобне Георгие, исповедниче Христов.

      Пение новое Церковь Русская днесь приносит, прославляя страстотерпцы и исповедники своя, святители же, монаси и мирстии, и о гресех чад своих воздыхает, да Христос Господь, зиждяй Церковь на крови мученик Своих, и наша грехи очистит и помилует всех зовущих Ему: Аллилуиа.

      Светильник присногорящий паки обрел еси обитель Данилову пристанищем себе, Георгие блаженне, в ней же ныне мощами почиваеши и послушаеши всех зовущих тебе:
     Радуйся, в Небеснем Чертозе живущий.
     Радуйся, Господеви непрестанно поющий.
     Радуйся, обители твоея страже неусыпающий.
     Радуйся, мощами в ней пребывающий.
     Радуйся, яко тобою Христос прославляется.
     Радуйся, яко тобою преисподняя посрамляется.
     Радуйся, преподобных сподвижниче.
     Радуйся, мученик сопричастниче.
     Радуйся, преподобне Георгие, исповедниче Христов.

      Благодать испроси нам у Творца и Бога, прибегающим к покрову твоему и духовнаго твоего водительства взыскующим, во еже пети с тобою: Аллилуиа.

      Поюще многия подвиги твоя, преподобство вкупе с исповедничеством, духовничество с непрестанным молением, проповедничество и внутреннее безмолвие, прибегаем к действенной молитве твоей, еюже ты нас от разслабления возстави и на путь покаяния направи, ублажающих тя:
     Радуйся, яко Царю Небесному предстоиши.
     Радуйся, яко о всех нас тепле ходатайствуеши.
     Радуйся, иноком наставниче премудрый.
     Радуйся, послушником игумене предобрый.
     Радуйся, чадом отче прелюбезный.
     Радуйся, просящим молитвенниче неусыпный.
     Радуйся, благочестивых людей услаждение.
     Радуйся, монашествующих удобрение.
     Радуйся, преподобне Георгие, исповедниче Христов.

      О священная главо, преподобне отче наш Георгие, Даниловския обители молитвенниче, Христа Бога от юности возлюбивый, и подвигом добрым Ему угодивый, веру же православную до смерти соблюдый, и ныне Престолу Божию предстоя, приими малое сие хваление от чтущих тя, и молися ко Господу о Церкви и Отечестве нашем, и о верою живущих в нем, да спасение улучивше, поем Ему: Аллилуиа.
      О преславный угодниче Божий, преподобне отче Георгие, Даниловы обители похвало и украшение! Ты от юности своея монашеское житие возжелал еси, в немже подвизався, любовь Христову стяжал еси, и был еси пастырь добрый притекающим к тебе: последи же изгнания и многи скорби претерпев, Небесное Царство наследовал еси. И ныне призри на нас, чад твоих, молящихся тебе, и управи души наша ко спасению; обитель же нашу святую миром и благочестием укрепи, да чистым житием благоугодим Богу, Емуже всякая слава подобает, честь и поклонение, во веки. Аминь.

      Издетска монашескую жизнь возжелал еси, преподобне отче Георгие, в нейже любовь Христову стяжав, пастырь добрый многим людем был еси, последи же и изгнание претерпев, венцем исповедничества украсился еси. И ныне, предстоя престолу Святыя Троицы, непрестанно моли спасти и просветити души наша.

      Евангельским словом вооружився, всяку скорбь жития сего тленнаго и непостойннаго претерпел еси, утешая чад твоих любовию, яже во Христе Иисусе, преподобне Георгие, Даниловская похвало, моли Христа Бога спасти и нас, чтущих тя.